Karta honek, laguntasunari ere egiten dio erreferentzia, 5eko bastoien moduan, baina elementu maskulinoetatik aldenduz. Esan nahi da, elkar ikusten duen laguntasunari egiten dio erreferentzia, elkar zaintzeari, elkar eusteari… eta baita elkarrekin dantza egiteari ere. Honen inguruan solastera gonbidatu dugu Nahia Ruiz, Donostiako Egia auzoko Trebeska Dantza Taldeko laguna. Berarekin dantzaz, elkarrekin dantzatzen dutenen artean sortzen den komunitate sentipenaz, dantza-erritualez eta, are, dantza kuirtzeaz aritu gara.