Denboraldi berriko bigarren atal honetan Japoniara joko dugu, Vocaloidaren mundua eta hikikomori fenomenoa ezagutzeko. Hatsune Miku eta Interneten inguruan sortutako musika-komunitateetatik abiatuta, ordenagailu baten aitzinean kanta oso bat sortu eta milaka lagunengana ailegatzeko aukera nola zabaldu den ikusiko dugu.

Bidean, hikikomori hitzak zer erran nahi duen eta isolamendu sozial luzearen gibelean egon daitezkeen presio, bakardade eta zailtasun batzuei begiratuko diegu.