Gaurko tertulian olioaren inguruko zalantza ohikoenei heldu diegu. Sukaldean gehien erabiltzen diren olio motak aztertu ditugu, bakoitzaren ezaugarriak eta kalitatea zerk baldintzatzen duen azalduz. Era berean, olioa aukeratzerakoan etiketan zertan jarri behar den arreta ere landu dugu.

Horrez gain, olioa behar bezala kontserbatzearen garrantziaz hitz egin dugu: argiak, beroak edo hezetasunak nola eragin dezaketen bere kalitatean, eta etxean zer ohitura izan daitezkeen egokienak. Ainhoa Aierdi kirol nutrizionistak aholku praktikoak partekatu ditu eguneroko erabilerarako.