Euskal Herria Baterak apirilaren 11n Aberri Egunaren ekitaldi bateratua egingo dute Donostiako Kursaalean. Euskal Herria Baterako kidea den Mireia Epelde NAIZ irratian egon da, eta Aberri Eguna batera ospatzearen garrantzia nabarmendu du: «Elkarrekin indarra egiten badugu aukera gehiago izango ditugu gure helburuak lortzeko». «Denontzako» espazioa sortuko dutela azpimarratu du Epeldek.

Aberri Eguneko ekitaldiaren prestaketan beste urrats bat egin du Euskal Herria Batera ekimenak: kartela aurkeztu du eta sarrerak publikoarentzat doan salgai daude. Kartela Joseba Larretxek egin du, eta ekitaldiaren kultur pilula Manex Fuchsek, Lorea Agirrek eta Martxel Rodriguezek kozinatutako ideia izango da, dantza, hitza eta kantua uztartuko dituena.