Alfonso Aranburuk sortu duen 100 diska izeneko erakusketa ikusgai dago Gasteizko Montehermoso kulturunean, eta bertan izango da ekainaren 23ra arte. Hemen, 1960 eta 1990 urte artean eman zen euskal kantagintza berriaren lehen hogeita hamar urteak ezagutu daitezke, 100 binilo baino gehiagoren azalen bidez.  Erakusketa ikusteko bisita gidatuak ere izango dira, eta Aitziber Barriga Fernandez da horiek euskaraz eskainiko dituena. Erakusketaren inguruko xehetasunak eman ditu Barrigak, NAIZ Irratian.