En directo
Lurraldea, jendartea eta eredu sozio-ekonomikoa ardatz Eusko Ikaskuntzako XIX. Kongresuan
Urtetako lanaren emaitzak gizarteratu eta hausnarketa pizteko asmoz antolatzen ditu Eusko Ikaskuntzak bere kongresuak. Aurtengoan, XIX.a izango da. Urriaren 2tik 4ra ospatuko da eta kohesioa izango du ardatz. Etorkizunerako proposamenak egiteko, geure ingurura zein nazioarteari erreparatuko diote.
Lurraldea, jendartea eta eredu sozio-ekonomikoa ardatz Eusko Ikaskuntzako XIX. Kongresuan
Azken urteetako lanaren emaitza modu propositiboan aurkeztea da Eusko Ikaskuntzako kongresuen helburua. Oraingoan, kohesioa izango da ardatz nagusia. Edukia hiru ardatzen baitan antolatuko dute: eredu sozio-ekonomiko berria eta ongizatearen gizartea; jendartea eta lurraldea.
Ikuspegi integrala eta anitza bilatzen du Eusko Ikaskuntzak bere prozesuetan. Hartara, gizarteratzen diren emaitzak landutakoak, poliedrikoak, eta kontsentsu edo onarpen handikoak dira. Halakoak dira ere, Ana Urkiza Eusko Ikaskuntzako lehendakariaren hitzetan, urriaren 2tik 4ra bitartean mahaigaineratuko dituzten hausnarketak.
