En directo
Batekoa, bestekoa, bietakoa edo... ez bata ez bestekoa
Hannot Mintegia Paraleloan izan da 'Nabar' Moxalen hirugarren lan luzea aurkezten. Kontrastez betetako lan honen nondik norakoak azaldu dizkigu sortze prozesutik abiatu, diskoaren grabaketatik igaroz eta datozen zuzenekoetan begirada jarrita.
Batekoa, bestekoa, bietakoa edo... ez bata ez bestekoa
Argia eta iluna, iluna eta argia. Ilunetik gatoz argira, dizdira printzen bila. Argitasunetik goaz ilunera, bertan desagertzera. Argia eta iluna, iluna eta argia. Bata eta bestea, bestea eta bata... bi mutur, bi ertz? edo izate beraren bi aldarte.
Argia eta iluna, iluna eta argia... behar bada ez dira horren ezberdin, edo bai? Batek daki, beharbada argi eta ilunetatik baino nabarretik gehiago dugu... 'Nabar' (Forbidden Colours 2023) izena du Moxalen (Hannot Mintegia) hirugarren lan luzeak.
Kontrastez beteriko lana da, argi ilunekin jolasten duena, doinu pisudunak eta arinak naturaltasunez harilkatzen dituena. Askatasunez, sortutako doinu eta hitz askeak dira, intimoak, gertukoak musikariaren esentzia jasotzen dutenak. Aparteko bidelagunak izan ditu bidaia honetan Hannot Mintegiak: Miren Narbaiza [MICE], Anari, Ainara LeGardon, Aitor Etxebarria edo Joseba B.Lenoir-en elkarlanak biltzen ditu beste batzuen artean.
Diskoa kalean, zuzenekoak datoz orain. Hasiera batean bakarka defendatuko du 'Nabar' Hannotek zuzenekoetan, abestiak erabat bere geiten dituen artean behitzat.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
Oxigeno maximoa (VO2 max): Zer da? Zergatik da garrantzitsua eta nola neurtzen da?
«Txirrindularitza osatzen dugun familia alde batera utzi dute»
«Konfiantza osoa dut iazkoa baino partida hobea izango dela»
