En directo
«200 pertsona ingururentzako jaialdi txikia egin nahi zuten eta milaka elkartu ziren»
1971ko uztailaren 31n kontzertu berezi bat egin zen Larraitzen, Txindokiren Magalean. Ez Dok Amairu taldeko Benito Lertxundi, Artze anaiak, Mikel Laboa, Antton Aranburu, Amaia eta beste hainbat artista aritu ziren bertan eta Enarak taldeak ere hartu zuen parte.
«200 pertsona ingururentzako jaialdi txikia egin nahi zuten eta milaka elkartu ziren»
Hain justu ere jaialdi hura ardatz hartu eta kontzertu bat antolatu dute igande honetarako, maiatzak 21, leku berean. Beñat Iturrioz dabil antolakuntza lanetan eta egitarau polita antolatu dutela esan digu. Amorantek, Rudigerrek eta Liherrek Enarak taldearen abesti bana joko dute eta horrez gain «erakusketa txiki bat ere jarriko da».
Duela 52 urteko gau haren inguruko informazioa biltzen ibili da Iturrioz. «Zerbait txikia egin nahi zuten baina jende asko gerturatu zen. Batzuk mila pertsona esaten dute baina badira bost mila pertsona elkartu zirela esaten duenik ere». Iturriozek «gau pasa kolektibo» bezala definitu du.
Frankismo garaian jaialdi hura egiteak ere izan zituen ondorioak. Jon Iturrioz Enarak taldeko kide eta Beñaten aitari 10.000 pezetako isuna iritsi zitzaion. «Ez Dok Amairukoek arazoak izan zituzten kontzertu haren ostean hainbat lekutan emanaldiak egiteko».
Entzun Bigarren Kafean Beñat Iturriozekin izan dugun solasaldia.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
