En directo
Ilargi: «Nire buruarekin gustora egotea da niretzat garrantzitsuena»
Lezotik etorri da gurera Ilargi, gaztetasunak askotan ondoan dakarren eskarmentu faltaren inolako zantzurik gabe, ziurtasun osoz eta ibilbide goiztiar bezain oparoaren ondorio den ‘Beldurrarekin Dantzan’ bigarren diskoarekin.
Ilargi: «Nire buruarekin gustora egotea da niretzat garrantzitsuena»
«Erronka handienak norbere buruarekin ditugunak dira, nire abestiak kaleratzeko lotsa ere izan dut nik». Lehen diskotik bigarrenerako jauziaz aritu da gurean, emakume gazte batek sortzaile moduan dituen zailtasun eta erronkez, eta baita norbere egongelako intimitatean sortutako abesti biluzi horiek musikari ezberdinekin janzteko prozesuaz. «Lehen diskoa gehiago izan zen esperimentazio bat, baina bigarren honek, ildo bat du bai soinuan eta baita letretan ere».
Doinu goxo, elektronika ukitu nabarmenak eta bizitzak parean jartzen dizkigun beldur horien kudeaketa prozesua. Hori eta beste zenbait gauza aurkituko ditu entzuleak Ilargiren azken sorkuntzari erreparatuta.
2023. urteko asmo eta ilusioen inguruan galdetuta, Ilargik argi dauka urteko balantze positiboa izan dadin zer nahi duen. «Kontzertu asko ematea, eta besterik gabe, nire buruarekin gustora egotea, hau baita edozer baina garrantzitsuagoa».
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
