En directo
«Taloa jaten dugun bakoitzean historia berreskuratzen dugu»
Bi urteko etenaldiaren ostean, bihar San Tomas Eguneko azokak ospatuko dituzte Euskal Herriko hainbat txokotan. Taloa izan ohi da eguneko protagonista, eta Javi Rivero sukaldariak jaki hau prestatzeko gomendioak egin dizkigu.
«Taloa jaten dugun bakoitzean historia berreskuratzen dugu»
Donostiako Parte Zaharrean edo Bilboko Areatzan, milaka talo salduko dituzte bihar talogileek; abenduaren 21ean arto irinez egindako jaki hau kontsumitzeko ohitura izaten dugu. Baina taloak Euskal Herrian tradizio luzea du eta urteko beste egun askotan jateko aukera izaten dugu: Eibarren San Andres egunean edo Nafarroan Gabon Egunean, besteak beste.
Momentu historikoak zehaztu du taloa luxuzkoa edo pobrea den. «Garai batean bisigua oparitu egiten zen eta orain ea Gabon hauetan nork duen erosteko aukera» esan digu Javi Rivero Yarza sukaldariak. Luxua izan ala ez izan, «taloa jaten dugun bakoitzean historia berreskuratzen dugu» dio Yarzak.
Taloaren teknika dominatzeko proposamenak egin dizkigu sukaldariak, «soberakinik ez botatzeko». Aurreko eguneko ganbak zuritu, taloan bildu eta mahonesa pittin bat gehitu edo arrain pastelari kukulu batzuk txikitu eta gainetik lima birrinduz. «Eta gehiegi hitz egiten duenarentzat, polboroi taloa!» gomendatu digu Yarzak.
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Uste dut gaitasuna erakutsi dugula kantxa osoan jokatzeko»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
«Udara honetan konfiantza eman zidaten eta maila ematen ari naiz»
