En directo
«Emozioetan lan egiten dugunok, ez dakigu inoiz ondo edo txarto ari garen»
'Karpeta Urdinak' dokumentalaren musikaz arduratu da Paula Ordaz musikagilea. Eskarmentu handiko sortzailea da, telebista, antzerki eta bideo-jokoetarako soinu-bandak egiten baititu. Ondo ezagutzen du Donostiako Zinemaldia, aurreko urteetan 'Handia' edo 'Nora' filmetan parte hartu baitzuen.
«Emozioetan lan egiten dugunok, ez dakigu inoiz ondo edo txarto ari garen»
Musikak garrantzia handia du Donostiako Zinemaldian, eta horretaz asko daki Paula Olaz musikagileak. Zinema, telebista, antzerki eta bideo-jokoetarako soinu-bandak egin ditu nafarrak; 'Handia', 'Errementari', 'Nora', 'Oihana' eta beste hainbeste proiektutan egin du lan. Orain, 'Karpeta Urdinak' dokumentalari musika jartzea egokitu zaio.
Larunbatean estreinatu zuen Ander Iriartek torturen inguruko dokumentala, Istanbulgo Protokoloan oinarritutako testigantzekin. Ez da erraza horri musika jartzea. «Emozioetan lan egiten dugunok, ez dakigu inoiz ondo edo txarto ari garen, baina baduzu barrutik ateratzen den energia bat» aitortu digu Olazek.
Energia hori lortzeko, instrumentu egokiak topatu behar dira. «Saiatu nintzen esentziara joaten; hoztasuna, bakardadea eta biolentzia. Horretarako, egurrezko eta metalezko tresnak erabili ditugu».
Hilabeteak igarotzen dira Olazek musika egiten duenetik filma estreinatzen den arte. «Pelikula berirro ikusten dudanean, momentu hartan sentitzen nuen guztia sentitzen dut; denboran atzera egitea bezelakoa da» esan digu.
Zinemaz, doinuez eta musikak mundua eraldatzeko duen gaitasunaz aritu gara.
«Sistema berria atera bitartean, polita litzateke berdin sentitzen garenon dimisioak pilatzea»
«Uste dut gaitasuna erakutsi dugula kantxa osoan jokatzeko»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
«Amasako zikloa itxi egingo da; auskalo urte batzuk pasata zer gertatuko den»
«Herri berriak ez badira animatzen hau galtzen joango da, eta pena da»
