En directo
EuskalPEN: «Onartezina da Pablo Gonzalezek ez jakitea zertaz akusatzen duten ere»
Asko izan dira Pablo Gonzalez kazetariaren espetxeratzea salatu dutenak, izan profesioan, arlo politikoan, edo kalean. Bere espetxealdia beste hiru hilabetez luzatzea erabaki den honetan, kazetariak bizi duen egoera arbuiatu du EuskalPEN klubeko lehendakari Laura Mintegik NAIZ Irratian.
EuskalPEN: «Onartezina da Pablo Gonzalezek ez jakitea zertaz akusatzen duten ere»
Pablo Gonzalez euskal kazetariak beste hiru hilabete emango ditu Poloniako kartzela batean preso, hala erabaki baitu asteon bertako epaile batek. Epe hori igarota, kasik urtebete egingo du espetxeratuta kazetariak, pasa den otsailaren 28an atxilotu zutenetik.
Ordutik makina bat pertsona izan dira kazetariaren egoera salatu dutenak; kalean bezala, instituzio ezberdinetan ere salatu izan dute kazetariaren egoera. Arbuiatze horretara batu da EuskalPEN kluba ere. NAIZ Irratian egindako adierazpenetan, Gonzalezen egoera «onartezina» dela esan du Laura Mintegik, EuskalPEN klubeko lehendakariak. Nazioarteko PEN klubekin batera, kazetariak bizi duen bidegabekeria salatu dute, nabarmenduz ezin dela ulertu nola kazetariak berak «ez duen ezagutzen zertaz akusatzen duten ere».
Polonia Europako Batasuneko herrialdea izanik, horrelako ekinbideek ez dutela lekurik esan du Mintegik, eta gogoratu du Euskal Herrian ezagunak ditugula horrelako praktikak: «Lehen ere espainiar Estatuak egin du adierazpen askatasunaren aurka». Zentzu horretan, nahigabez ikusi du orain arte Gonzalezen egoera argitzeko egin dituzten ahalegin eskasak.
«Sistema berria atera bitartean, polita litzateke berdin sentitzen garenon dimisioak pilatzea»
Zein eragin du jarduera fisikoak gure ongizate psikologikoan?
«Derbiak eragindako tentsioarengatik, jokoa agian zikinagoa da; eraginkorrak izan behar dugu»
«Joko aldetik ez dugu hasiera ona egin, baina garaipen oso garrantzitsuak lortu ditugu»
«Udara honetan konfiantza eman zidaten eta maila ematen ari naiz»
