Elkarrekin-Podemosen espektatibak ez ditu bete Hezkuntza zirriborroak; orokorkeriaz beteta dagoela uste du Miren Gorrotxategi legebiltzarreko bozeramaleak; «ez da batere konkretua», esan du NAIZ Irratian. Eat are kritikoago mintzatua da aportazioak egiteko 10 egun eskas izango dituztela aintzat hartuta. 

Eskaintza publikoaren garrantzi handiagoa da faltan botatzen dutena, nabarmen. Esperantza badute egunotan horretan gehiago sakontzeko, «agerikoa baita itunpeko eskolen eta eskola publikoaren artean dagoen desoreka». Proposamenak segregazioa ekiditeko mekanismoak jaso arren, honetan ere gehiago sakondu beharra ikusten du Gorrotxategik. 

Haatik, hizkuntza ereduei dagokionez, Elkarrekin-Podemos «eroso» dago proposamenak egiten duen euskara ardatz izango duen eredu eleaniztunarekin. 

Edonola, eztabaida sutsua aurreikusten den proposamen honetan, elementu batzuk alde batera utzi beharko dituzten arren, «euskal eskola publikoaren defentsa» izango da Elkarrekin-Podemosen marra-gorria.