En directo

Ion T.Barrena / Ainara Rodriguez

Jokin Zubiria: «Hemen oinarrian politika egiteko modu bat dago eta hezkuntzari dagokion garrantzia ematea ala ez»

«Zoritxarrez badakigu herri honetan Hezkuntzak ez duela garrantzirik izango harik eta mendietan zulatutako hormigoizko eskolak egiten diren arte». Gogor mintzatu da Informazioaren Harian Jokin Zubiria LABeko ordezkaria astearte honetako grebaren lehen orduetan. Jarraipenaren datuen zain, protestek arrakasta handia izango dutela ziurtatu du, batez ere pandemiak gogorren astindu duen zonaldeetan.  

Audio_placeholder

Jokin Zubiria: «Hemen oinarrian politika egiteko modu bat dago eta hezkuntzari dagokion garrantzia ematea ala ez»

Loading player...
Hezkuntzako sindikatuek ikasturte hasiera adostea eskatu zioten Lakuari berriki. (@LABsindikatua).
Hezkuntzako sindikatuek ikasturte hasiera adostea eskatu zioten Lakuari berriki. (@LABsindikatua).

Eusko Jaurlaritzak dio elkarrizketari ateak itxi dizkiotela sindikatuek, baina hori gezurtatzeaz gain, martxorik horren eskean dihardutela ziurtatu du Naiz Irratian Jokin Zubiria LABeko kideak.

EAEn iragarritako 1.000 lanpostuak eta Nafarroako 600 inguru horien berririk ez dutela ere kontatu du, ezta horien arrazoiaz ere. Zenbatzen hasita «ez direla nahikoak» ere nabarmendu du Zubiriak.

Non dago orduan baliabide gehiago ez jartzearen gakoa? Zubiriak kontatu duenez, Jokin Bildarratz Hezkuntza sailburuak aitortu zien berak dituen baliabideekin jokatu behar duela. «Hemen oinarrian politika egiteko modu bat dago eta hezkuntzari dagokion garrantzia ematea ala ez», esan du LABeko ordezkariak.

 

Grebaren jarraipenaren datu zehatzen faltan, LABeko ordezkariak ez du zalantzan jarri honen arrakasta. Jendartearen erantzun zabala espero dute, batik bat, pandemiak gogorren astindu duen eremuetan.

Jaurlaritza Logoa