12 urte dituenetik abestiak egiten jardun den arren, 2018an bildu omen zuen Sara Zozayak adore nahikoa bere lana EP formatuan plazaratzeko. Musikari donostiarrak 'Nerabe' taldearekin eman zituen bere lehen pausoak jendaurrean, bakarkako ibilbideari ekin aurretik. “III” deituriko EP intimistaren ondoren, 2020an plazaratu du “(I)”, bere lehen diskoa. Abesti guztiak batera kaleratu ordez, bere lana kantuz kantu aletzen dabil.