En directo
Iparraldean bizi baina hegoaldean ere egiten dute lan Arturo Villanueva eta Aitziber Zapirainek. Autoz mugitzeko ilara luzeei egin behar izan diete aurre azken asteetan. Horrek sortzen dituen oztopoak soilik ez, zaintza lanetarako senideengana joan ezin izatea gehitu du Villanuevak. Euskaldun gisa muga itxita ikusteak sortzen duen sentipenaz ere egin du hausnarketa Zapirainek.
Xabier Soubelet, berriz, Donibane Lohitzune eta Baztan artean bizi da. Asteotan polizia espainiar eta frantziarraren artean jarrera ezberdina sumatu du. Krisi egoera honek frantziarren «haundikeria» nabarmendu duela uste du.