Bihozkaden antzera, ezustean sortu zen 'Bihozkada' sortzeko ideia Iñakiren eta Tomasen artean, eta kasualitatearen atzetik etorri ziren kantuak: horrela, 2015ean gorpuztu zuten egitasmoa. 2016an Bonberenean grabatu zuten maketa, 'Pirata lagun', eta 2019an plazaratu zuten bigarrena, 'Zure aurrean'.

Bihozkadaren kantuak biluzik jaiotzen dira, akustikoan, eta taldekide guztiek janzten dituzte, nahi duten soinu eta adierazkortasuna lortzen duten arte. Iñakiren hitzek gai unibertsaletara jotzen dute, eta kontu potolo horien zatitxo bat ekartzen digute belarrietara.
Hau dugu Bihozkada taldearen “Higuina” kantua.