Masturbazioaz hitz egitea oraindik ez da lan erraza, alua dutenentzat batez ere. Maiatza masturbazioaren hilabetea dela aprobetxatuta, Maitena Usabiaga Sarasua sexologo eta psikologoak iritzi orokortuak plazaratu eta gure gorputzarekin gozatzeak dituen onurak azaldu dizkigu.

Lagungarri suerta daitezke produktu erotikoak horretarako. Idoia Sanchez 'Xarma tupper sex' bileren gidariak argi utzi nahi izan digu Satisfyer ezagunaz gain, beste produktu asko daudela. Gainera, hori ez omen da bere saioetan gehien saltzen duena. Mundu bat jolas dago erabiltzeko, mugarik ez duen irudimena ahaztu gabe, noski. Begirada zabaldu eta gure sexualitateari denbora eskaintzean dago gakoa, izan emakume zein gizon.