StarBlues taldearen azken lanak 'Hitz gatibuak' du izena. 2010ean sortu zen StarBlues. Hasieran bertsioak egiten zituzten, eta hala eman zituzten lehen kontzertuak. 2014an formazio aldaketa egon zen, eta bateria berria sartzeaz bat sendotu zen proiektua. 2016an kaleratu zuten lehen lana, 'Gu geu', eta 2020 honetan 'Hitz gatibuak' plazaratu dute Jon Barreros, Mikel Atxega, Yon Labaien eta Fermin Etxeberria musikariek.