Hirugarren diskoa du hau Maddi Zubeldiak. Lehenengo biak autoekoitzi ostean, 'Belarri' etxearekin atera du 'Zimurrak Baleki' , eta horrek aukera eman dio beste era batean lan egiteko. Kantatzen hasi zenean emozio berezia eta askatasuna sentitu zituela gogoratzen du Maddi Zubeldiak. Ez zuen bere lanak plazaratzeko asmorik, baina lagun batzuen bultzadaz hasi zen jendaurrean aritzen, eta lehenengo diskoa grabatzera igaro zen gero. Bi eleberri ere argitaratu ditu. Abeslariak dio familiaren eta etxearen zaintzari lapurtutako momentuetan sortu izan duela, emakume ugariren antzera.