En directo
«2011tik ezer gertatu ez balitz bezala erabaki dute Haranbururi baldintzapeko askatasuna ukatzea»
Xistor Haranburu euskal presoaren baldintzapeko askatasuna baztertu du justizia frantziarrak. Zigor Aplikaziorako Ganbarak senperetarraren baldintzapeko askatasuna ukatzeko argudiatu du bera aske egotea arrisku bat dela desordena publikoa sor dezakeelako. Berrerortzea ere argudiatu du. Maritxu Paulus Basurco abokatuaren esanetan «ulertezina» da erabakia. Gogoratu du bizi osorako kondena duela Haranburuk eta laster 30 urte beteko dituela espetxean.
«2011tik ezer gertatu ez balitz bezala erabaki dute Haranbururi baldintzapeko askatasuna ukatzea»
Justizia frantziararren erabakia baloratu du Paulus Basurcok Naiz Irratian. «Iruditzen zait hamar urte atzera joaten garela, iruditzen zait 2011tik ezagutu ditugun aldaketa guztiek epaileak ez dituztela ezertan ikutu, ezer gertatu ez balitz bezala erabaki dute Haranbururi baldintzapeko askatasuna ukatzea. Ulertezina iruditzen zaigu. Iruditzen zaigu gaur egungo erabakia gogorragoa dela duela zortzi urte genituen erabakiak baino».
Kontxako bandera zuzenean, NAIZ Irratian
«Sistema berria atera bitartean, polita litzateke berdin sentitzen garenon dimisioak pilatzea»
«Gaztetan hasi nintzenean, ez nuen espektatiba handirik; iritsi zaidana esker onez hartu dut»
Zein eragin du jarduera fisikoak gure ongizate psikologikoan?
«Udara honetan konfiantza eman zidaten eta maila ematen ari naiz»
