Naiz Irratia|05/11/2019

Aceros Inoxidables Olarra enpresaren aurrean agerraldia eskeini dute gaur goizean Bizkaiko metalgintzako sindikatuek. Aurrez, Sidenor eta Artetxe enpresetatik kotxe karabana egin dute. Iratxe Azkue LABeko ordezkariak salatu du «Bizkaiko enpresa handiek hitzarmena bahituta» dutela. «Oso haserre gaude», gaineratu du.

Loading player...
Naiz Irratia|04/11/2019

Euskal Herriko V. Jardunaldi Feministetan, Sare Lesbianista kolektibotik bota zuten galdera probokatzailea da. Emakume cis eta heterosexualak interpelatu nahi izan zituzten hala. Maddi Txintxurreta lankideak elkarrizketatu du Leire Gomez, Sare Lesbianistako kidea.

Loading player...
Naiz Irratia|04/11/2019

3.000 emakume bilduta, jardunaldi historikoak izan dira asteburuan Durangon, Mugimendu Feministak antolatuta. Saretzeko eta hausnartzeko balio izateaz gain, Mugimendu Feministaren barruan askatu gabeko zenbait korapilo mahaigaineratzeko ere balio izan dute Jardunaldiek. Maider Galardik, Klitto agerkari feministako kazetariak, egin digu zenbait eztabaida nagusiren errepasoa: burujabetza feminista, dekolonialitatea eta biolentzia.

Loading player...
Naiz Irratia|04/11/2019

Euskal Herriko V. Jardunaldi Feministen azken egunean, antolakuntzan aritu den Itziar Gandarias elkarrizketatu dute Arrosa Sarean, Landakon bertan. Jardunaldien balorazio «positiboa» egin du, nabarmenduz Mugimendu Feminista «indartsu» dagoela eta aurrerantzean lantzeko prozesu luzeak zabalduko direla Jardunaldian plazaratutako gai sendoetatik.

Loading player...
Naiz Irratia|04/11/2019

Irratia eta lagunak beti izan dira musika banda berriak ezagutzeko bideak, eta goitik behera betetzen du hori NAIZ Irratiko 'Beste bat' musika saioak. Izan ere, saioak aukera ematen du euskal musikarien erreferentzia musikalak eta kantu kuttunak ezagutzeko. Gaurtik aurrera, Gasteizko Montauk eta Bilboko Zazkel taldeak eta Irungo Eneritz Furyak eta Hernaniko Andoni Tolosa Morau bakarlaria arituko dira.

Loading player...
Naiz Irratia|31/10/2019

Sanferminak 78 Gogoan elkarteak kereila aurkeztu du Juan Ignacio Zoido eta Fernando Grande Marlaskaren aurka, dokumentu publikoak ezkutatzeagatik. Sabino Cuadra, elkarteko kidea, izan da gurean eta administrazioari leporatu dio oztopoak jarri eta dokumentuak ezkutatzen aritzea.

Loading player...
Naiz Irratia|31/10/2019

Ekonomialari euskaldunen lehen biltzarra egingo dute Donostian, azaroaren 14an. UEUk eta Ekonomistak Elkargoak antolatuta, orotariko gaiak landuko dituzte. Oskar Arantzabal antolatzaileak eta UEUko ekonomia sailburuak azaldu digu biltzarra irekia izango dela edonorentzat.

Loading player...
Naiz Irratia|31/10/2019

Urriaren azkena uzta biltzeko eta hildakoak oroitzeko garaia izaten da. Beldurrarekin lotuko dute askok Gau Beltza. Beste askok ez dakitena, ordea, zera da: Gau Beltza ez dela Halloween anglosaxoiaren inportazio bat, euskal herritarron arbasoek ospatzen zuten jaia baizik.

Loading player...
Naiz Irratia|31/10/2019

GARAk beste milioi erdi bat ordaindu du, orotara milioi eta erdi jada. 'Egin'-ek Gizarte Segurantzarekin zuen zorra GARAren gain jarri ostean, ordainketa egutegiaren baitan, urriaren 26ean urte honetako hirugarren ordainketa egin zuen GARAk, milioi erdikoa. Iñaki Soto zuzendariak eman dizkigu GARAk bizi duen egoeraren xehetasunak.

Loading player...
Naiz Irratia|30/10/2019

Gaur arratsaldean elkartu dira sindikatuak Bizkaiko metaleko patronalarekin. Bilera amaituta, patronalak oso mugimendu eskasa egin duela eta atzerapausoak mantendu nahi dituela salatu du Iratxe Azkuek, Bizkaiko LABeko Industria Federaziokoak.

Loading player...
Page 5/ 12
FM Bilbo 92.2 · Urola 91.8 · Goierri 102.2 · Donostia 93.8 · Leitza 95.1 · Gasteiz 91.5 · Bortziriak 103.1 · Gernika 96.7
@NAIZIrratia