Nahi baino gutxiago hitz egiten da heriotzaz. Baina, badakigu zein forma duen doluak? Etapa bat da pasa behar dena? Zenbat irauten du norbaiten heriotzaren osteko doluak? Zein dolu dira zilegi eta zeintzuk ez? Gaur 5 kopa ditugu mahai gainean, doluaren nozioa ekartzen dutenak. Honetara etorri da Oihana Arana idazle, antropologo eta bertsolaria gurera: bere azken poema liburuaren aitzakian, doluaren gaiari argi apur bat botatzen laguntzera.