Amaia Merino Donostiako Nazioarteko Zinemaldiaren 74. edizioan aurkeztu diren bi ikus-entzunezkoren muntaketa lanetan aritu da azken urtean: Izaskun Arandiaren ‘Irailak’ eta Elsa Oliarj-Inèsen ‘Txakun txakür’ dokumentaletan, hain zuzen. Biak oso tonu eta erregistro desberdinekoak. Baina, biak ederrak.

Eta hain zuzen, zinemagintzatik urrun gaudenontzat oso itzalpean dagoen muntatzailearen ofizioaren inguruan solastu da gurekin. Muntaketa lana ez delako zeregin mekaniko eta tekniko huts bat. Muntatzaileak askotan zuzendari eta gidoigilearen rolak hartu behar izaten ditu eta. «Prozesuak aurrera egin ahala galderak egin behar dituzu: zertarako da? norentzako da? eta ondoren, nola egingo dugu?» kontatu digu.

Luze eta zabal aritu gara berarekin Zinemaldian.