X-Pyr lasterketak Pirinioak zeharkatuko ditu Ekainaren 21etik aurrera, Hondarribitik abiatu eta El Port de la Selvan izango dute helmuga. Parapentez eta oinez egin beharko dituzte ibilbideko kilometro danak parte hartzaileek, eta nazioarteko izar handiak izango dira bertan, baita euskal parte-hartzea ere. Mattin Iñiguez zegamarra eta Aner Bueno azpeitiarra izango ditugu Euskal Selekzioa ordezkatzen. 

Euskal Aire Kirol Federazioko lehendakari Jon Arrutirekin hitz egin dugu erronkaren inguruan, Nafarroako Aire Kirol Federazioarekin elkarlanean antolatutako txapelketa baita honakoa, Alpeetan egiten den Red Bull X-Alps lehiaketaren anai txikia.