Gizonezkoen Munduko Txapelketa ekainaren 11n hasiko da, eta testuinguru horretan, 7BAIETZ! plataformak deituta Euskal Selekzioa aldarrikatzeko eta Euskal Herrian inposatu nahi duten selekzioei «hortzak erakusteko» zenbait ekimen antolatu dituzte. Asier Ansoleaga plataformako kideak dinamika azaldu du NAIZ irratian: «Futbola duela 100 urte identitate nazionala eraikitzeko erabili da, eta gure herrian arrotzak diren selekzioak inposatu nahi dizkigute». 

Ansoleagak euskal kirolarien lorpenak Espainiako eta Frantziako selekzioekin ospatzea geroz eta arruntagoa bilakatu dela salatu du. Egoera horren aurrean, «eztabaida pizteko» helburua dutela adierazi du: «Guk argi dugu gurea Euskal selekzioa dela, ez Frantziako elastiko urdina ez eta Espainiako kamiseta gorria». 

Taldearen lehen agerraldia ekainaren 13an egingo da, gizonezkoen munduko txapelketarekin batera. Ekimena Algortan jaio bada ere, zenbait herri batu direla azaldu du Ansoleagak, dinamikak oihartzuna herri ezberdinetan izango du oihartzuna, hala nola, Gasteizen, Hendaian edo Basaurin.