Gai asko jorratu ditugu denboraldian zehar Aritz Olagoi kirol psikologoarekin, eta azken saio honetan bere ibilbidean izan dituen lau kasu praktiko ekarri dizkigu gurera. Teoria oso ondo dago eta beharrezkoa da noski, baina hau praktikara ematea beste kontu bat da.

Kasu praktiko hauetan ikusiko dugu nola kudeatzen diren, besteak beste, porrota, gehiegizko presioa, beldur eszenikoa, errealistak ez diren helburuak jartzea... zein ondorio dituzten faktore hauek kirolariengan eta nola landu daitezkeen. Eta kasu batzuetan, saio hauen arrakasta ez da kirol errendimenduari dagokion helburua lortzearekin lotzen.