Gipuzkoako txirrindularitzak egoera zaila bizi duela jakina da. «Azken bi urteetan, arazo asko izan ditugu 
lasterketak antolatzeko garaian», dio Santi Osoro Gipuzkoako Txirrindularitza Federazioko presidente ohiak. Arazo hauek 
ahal den neurrian konpontzen joan direla gaineratu du, «baina uda partean iritsi 
ginen puntu batera 

non kasi-kasi ezinezko egiten 
zen aurrera segitzea», azaldu du. Gauzak honela, dimisioa aurkeztu eta diputazioak du orain ardura.

Lasterketak antolatzerako orduan izaten dituzten traba nagusiak trafikoari eta segurtasunari lotutakoak dira. «Araudia oso zorrotza da Gipuzkoan», dio Osorok. Salatutakoak ez dira soilik Gipuzkoara mugatzen, «Euskal Herriko txirrindularitzaren egoera ordezkatzen da, baina eragina ere badu Espainiar Estatu mailan, Gipuzkoa erreferente baita harrobiko txirrindularitza lasterketetan», gaineratu du.

Mobilizazioak izandako erantzunarekin «gustora» agertu da Osoro. «Babes handia sumatu dugu, eta horrek indar eta arrazoi gehiago ematen digu aurrera segitzeko», adierazi du. Gobernuaren partetik erreakziorik ere iritsi da, garai batean hitzartu ziren mahai teknikoko batzarrak behar diren moduan egitea, «orain arte bi baino ez baitira egin, eta ez eragile guztiekin», dio Gipuzkoako Txirrindularitza Federazioko presidente ohiak. Gobernuaren aldebakarreko jarrera ere salatu du, erabakiak hartu edo araudiak planteatzerako orduan.

Etorkizuna ez du oso garbi ikusten Osorok, baina «itxaropentsu» azaldu da. «Nik uste inoren buruan ez dela 

sartzen Euskal 
Herrian txirrindularitza egoera 

honetan egotea», dio. «Harrobiko 
txirrindularitza 

behar-beharrezkoa den 
kirol bat da, maite dugun 

kirol bat da, eta nahitaez honi 
konponbide bat eman behar zaio, 

konponbide txukuna 
eta iraungo duena», nabarmendu du.