Live
Viana, Brusela, Katalunia eta Gasteizko Parlamentua, analisi mahaiko geltokiak
Maider Galaradi eta Eguzki Urteaga soziologoek osatu dute astearte honetako analisi mahaia. Europako hauteskundeen ajea gainetik kendu ezinik, Kataluniako egoera politikoa eta EAJ eta PSEren arteko gobernu akordioa izan dituzte hizpide. Vianako Mondelez lantegiaren grebaren berri ere izan dute.
Viana, Brusela, Katalunia eta Gasteizko Parlamentua, analisi mahaiko geltokiak
Vianako Mondelez gaileta fabrikak greba mugagabeari ekin dio astelehen honetan, hitzarmen kolektiboaren negoziaketaren blokeoari aurre egin asmoz. Oskarbi Goldaraz LAB sindikatuko ordezkariak NAIZ irratiari azaldutako moduan, 400 langile biltzen dituen lantegian grebaren jarraipena erabatekoa izaten ari da eta ekoizpena geldi dago.
Bigarren geltokia Bruselan eta Katalunian egin dugu. Gorka Knörr Junts Per Catalunyako kidearekin egungo testuingurua aztertu dugu. Amaitzeko, atzo gauean EAJk eta PSEk iragarritako Eusko Jaurlaritzarako gobernu akordioaz ere solastu dira Galardi eta Urteaga.
