Erlauntzak bakarrik utzi behar izan dituzte NAIZ Irratira hurbildu diren gonbidatuek. Balerdipeko Erleak proiektua dute eskuartean Inaxio Arin eta Mattin Jauregi erlezainek. Ofizio honetan jardun dutenek orain arte egin duten lana mantendu, eta erlezaintza gazte ikuspegitik jorratu nahi dute; izan ere, 25 urte besterik ez dituzte. Instagrameko @balerdipeko kontuan edota balerdipeko.eus webgunean aurki daiteke proiektu honen inguruko informazio gehiago.