Milaka gazte batu ziren ostiral eta larunbatean Lezon Ernaik antolatutako Gazteon Eskutik ekimenean. Gazte independentisten topagune bihurtu zen bigarrenez udalerri gipuzkoarra. 2008ko elurterik ez, baina euria protagonista izan zen arren, lokatzen artean ere loratu dira kimu gazteak.

Hilabeteetako lanak eman du bere uzta eta orain, aurrera begira dago gazte antolakundea. Gazteentzako bizitza duinak eskuratzera bidean, «gazte fronte» zabal bat eraikitzera dei egin du Ernaik. Hurrengo hitzordu garrantzitsua begiz jota dute honezkero, maiatzaren lehenean kaleak hartzeko asmotan baitira. Aurren Araba, Bizkaia eta Gipuzkoan ordea, hauteskundeek izango duten garrantzia azpimarratu du Alavak.