Asteazkenean hasiko da Lekuz Leku  Hiriguneetako Nazioarteko Dantza Jaialdiaren 19. edizioa Bilbon. Asteazken eta ostegunean dantza-zinemarekin hasiko da jaialdia, La Fundicion aretoan. Eta ostiral eta larunbatean kalera aterako da jaialdia. Hamabost ikuskizun eskainiko dira aire librean; Kanada, Italia, Ekuador eta Txile izango dira herrialde gonbidatuak. Azken herrialde horretatik etorriko da bisitan etxera Alluitz Riezu García bizkaitar koreografo eta zuzendaria.