Urteko bosgarren hilabetearen erdialdera iritsi gara asteburu honetan eta 'Kera Deia' saioarekin gozatzeko tarte bikaina izan dugu larunbat honetan ere Naiz irratiaren uhinetan. Asteburu honetan, Anari Euskal abeslariaren inguruan aritu gara eta plazer hutsa izan da gainera bere lan bikainak berriro ere gogora ekartzea.

1970.urtean jaio zen Ana Rita Alberdi Santesteban, Azkoitian. Aurrez esan bezala askok ezagunagoa izango duzue Anari bezala eta musika munduan, ibilbide zoragarria egin duen artistetako bat dugula esan beharrean gaude. 1997an eman zituen bere lehen pausuak alor honetan, eta ordutik; Oreinak, Epilogoa edota Ihia bezalako lanak utzi izan dizkie gure belarriei.