Argia izan da Iñigo Leza Fracking Ez plataformako kidea, «talde ekologisten eta herrikoien borrokarik gabe, Euskal Herri osoa zulatua izango litzateke eta akuiferoak kutsatuta». Fracking eredua debekatua dago EAEn 2015etik, talde ekologistek, tartean Fracking Ez plataformak bultzatutako herri-ekimen legegile bati esker. Orain, Madrilgo Kongresuan onartu berri den aldaketa klimatikoaren legeak, «gasaren edozein ustiapen mota debekatuko du» Lezak azaldu duenez.

Mikel Otero EH Bilduko legebiltzarkidea eta Arabako Fracking Ez plataformako bozeramaile ohiaren adierazpen batzuez lagunduta, energia ekoizpenaren inguruan Lakuak eta Gasteizeko Udalak izan duten jarreraz hausnartu du Lezak. Eta ondorio argi bat atera du, «borrokak merezi du. Borrokaren bitartez gauzak lortzen dira. Jende askok esan zigun ezinezkoa izango zela, interes gehiegi zeudela horren atzean, baina lortu genuean. Eta ondo pasatu genuen gainera».