Nork ez du bizitza bizigarriago bat nahi? Nola egin bizitza bizigarri? Inguruneaz ari garenean gizakia honen baitan ikusten al dugu? Zergatik tratatzen dugu natura bere parte ez bagina bezala? Xabier Amurizaren Lurra kantuko «Ez ehortzi gure lurra, gu baikara lurra bera» abesten dugunean, egiatan ari al gara? Naturarekiko menpeko izaeraz ohartzeaz, norbanakotik harago, izaki interdependenteak izateaz, desazkundeaz… zabal esanda, Ekofeminismoaz solasalditxo bat Mirene Begiristainekin.

Iñaki Petxarroman kazetaria ere gonbidatu dugu gurera, plazaratu berri duen 'Ezezagunerako Bidaia' liburuaz hitz egiteko.