Live
Arteak ala joskintzak, zer harrapatu zintuen lehenago? Guk galdera amaitzerako Betitxe Saituak ezpainetan du erantzuna: «arteak, zalantzrik gabe». Artea haurtzarotik izan du bidaide: lehenengo marrazkietan, Arte Ederretan lizentziatu edota Bilboko Arte Ederren Museoan eta Guggenheim Museoan hezitzale lanetan aritu zen hamarkadan, besteak beste.
Artearen errailetik egin du joskintzarako bidea ere: norbanakoentzat pieza eta kolekzio txikiak egiten baditu ere, antzerki obretako jantziak egiten aditua da Betitxe Saitua. Esku artean dituen proiektuen berri eman digu sopelarrak eta tartean baita esklusibaren bat edo beste ere. Esate batera, 'Ay Carmela' antzezlan saritua berriz ere taula gainean ikusteko aukera izango dugula udazken partean. Izan ere, berak eginak dira antzerki obra entzutetsu honetako jantziak.