Ibilbide luzeko taldea da Basaki: 1996an sortu zen, eta lehen hamar urteak han-hemenka jotzen eman zituzten; gero, estudioko lanak plazaratzen hasteaz bat profesionaldu zuten haien jarduna.

Disko eta disko tartean aldea egoteak leku egiten die aldaketei, eta bide berriak bilatzeko aukera ematen die taldekideei. Hain zuzen ere, 'III' diskoa gitarra bat gutxiagorekin osatu dute oraingoan Iker Herrero, Alfonso Rodriguez eta Natxo Velez musikariek, eta horrek baldintzatu du emaitza. Estiloak baino, indarrak bultzatzen du Basaki musika egitera. Oinarri indartsuaren gaienan eraikitzen dituzte haien doinuak, orekaren bila, metal eta rock iturrietatik edanez.