Sartu gara irailan eta prest dago 'Beste Bat' saioa gidatuko duen musikari talde berria. (Abuztuan, Miren Narbaiza, Mikel Markez, Olatz Salvador eta Nizuri Tazuneri musikariak aritu ziren). Iraileko astelehenetan, Petti musikari beratarrak gidatuko du 'Beste Bat' saioa, guztira 4 saio egingo ditu, eta hauxe duzue lauetatik lehena.

60 minutuz haren gustuko musikari eta kantuak jarriko ditu Naiz Irratiko entzuleen belarriak goxatzeko helburuarekin. Musika beltza, folk, Soul eta Blues doinuz besteko dira iraileko astelehen arratsaldeak (15:00) musikari beratarrarekin.

Lehen saio honetan, Anne McCue, Gillian Welch, Patti Smith, Mavis Staples, Candye Kane, Wanda Jackson, Carmen Mcgray,  Ana Moura edota  Silvia Cruzen abestiak entzungo dituzue, beti ere, Pettiren azalpenekin, musika talde berriak ezagutzeko aukera aparta, beraz.